Utorak, 24 Maja, 2022
spot_img
NaslovnicaPoljoprivredne graneVoćarstvoKasno đubrenje i rezidba nakon berbe su opasni

Kasno đubrenje i rezidba nakon berbe su opasni

UKLJUČITE SE U NAŠU VIBER ZAJEDNICU

Jesensko razdoblje polako ide kraju, a pred nama je zima koja barem prema dosadašnjim meteorološkim prognozama ne bi trebala značajnije odstupati od prosjeka. Međutim, na nekim područjima nije isključena mogućnost prodora hladnih fronti, moguće i snježnih padavina.

Nakon berbe

Jesen je i period u kojem dolazi do nešto obilnijeg stvaranja spora ekonomski najopasnijeg uzročnika bolesti masline, paunovog oka (Spilocea oleagina), pa je do sada već trebalo obaviti zaštitu.

Ako je jesenska zaštita izostala, tretiranje je poželjno obaviti odmah nakon berbe. U tu svrhu preporučuju se sredstva na bazi bakra, a posebno bakarni oksihlorid i to u količini od 200 do 300 g/100 l vode.

Za razliku od nekih drugih Cufungicida kod novijih pripravaka na osnovu bakarnog oksihlorida doza je nešto manja, a djelatna materija se otpušta postupno pa je i djelovanje nešto duže.

Pročitajte: “Stara maslina” – Drvo staro preko 2000 godina raste u Baru /FOTO/

Svakako je važno poštovati propisanu dozu i tretirati odmah nakon pripreme tečnosti za prskanje.

Ako smo ipak propustili jesenske rokove, kasno zimsko tretiranje bakrom neće značajnije pridonijeti zaštiti pa ga treba izbjegavati. Naime bakar može uzrokovati otpadanje zaraženog lišća prije vremena.

Treba imati na umu da iako zaraženo, lišće još uvijek doprinosi stvaranju cvjetnih pupova. Ranije otpadanje lišća može dovesti do izvjesnog šoka i dodatno oslabiti biljku. Kako neki od maslinara zajedno s berbom obavljaju i odstranjivanje dijela krošnje, visokih, teško dostupnih ili prstenovanih grana, tretiranje bakrom donosi i dodatnu korist. Naime, neki spojevi na bazi Cu sprječavaju širenje bakterije Pseudomonas savastanoi koja uzrokuje rak masline.

Pročitajte: Maslina bolje rađa uz azot, fosfor i bor

Autor: dr.sc. Kristijan Franin, časopis Maslinar

POVEZANI ČLANCI
spot_img
spot_img

NAJNOVIJE VIJESTI

Aktuelno

dinja

Dinji prija toplota, ali ne i zasjenjivanje

Sjetva se obavlja kada se zemljište zagrije oko 10ºC do 12ºC, na dubini od 8 cm do 10 cm, a u našim uslovima to...